Click here for English version
Inicialmente previstos para xuño de 2020, a terceira edición dos Euro Gaelic Games celebrarase durante os días 15 e 16 de xullo de 2022 nas localidades de Pontevedra e Poio. Recollendo a antorcha de Lorient 2018, e logo de ser pospostos durante dous anos por mor da pandemia da COVID-19, Galicia volve ao fútbol gaélico de máximo nivel.
A sede
Debido ao alto interese de participación no torneo, con case 25 equipos inscritos, o campionato desputarase en dobre sede Pontevedra-Poio, concretamente nas instalacións de A Xunqueira, Monteporreiro e A Seca. Ambas instalacións contan con ata tres campos de herba sintética de última xeración recén renovados e con suficiente aforo para acoller ás 400 persoas estimadas que participarán participantes do torneo.
A Xunqueira (Manuel Barreiro) – Pontevedra
Monteporreiro – Pontevedra
A Seca – Poio
Formato de competición
O formato de competición decidido polo Comité Europeo para esta edición dos Euro Gaelic Games difire en modalidade masculina e feminina, debido ao número de equipos inscritos.
En mulleres, os equipos estarán inicialmente divididos en dous grupos de 5 equipos. Os mellores equipos avanzarán cara a fase final “Cup”, mentres que os que queden relegados farano á fase final “Shield” e “Plate” (fases de consolación).
En homes, a competición está composta en dous nivéis diferenzados: Championship (orientada aos equipos máis competitivos e de máximo nivel), e Development (para aqueles equipos menos potentes ou que queiran presentar xogadores actualmente en desenvolvemento). Ambas evolucionarán a unha fase final e “Cup” e “Shield”, similar á competición feminina.
Horarios e resultados
Con ata 25 equipos participantes, esta terceira edición do Europeo de seleccións é a máis grande ata a data.
Podes consultar os horarios por competición e campo pinchando aquí.
Participantes
Os nosos
Aos mandos da nosa selección repiten Pablo da Silva -feminina- e Alexandre Sanmartín “Jano” -masculina-, que se atopan en fase de preparación cos pre-seleccionados. Galicia contará con catro equipos: dous en Championship e dous Development (masculino e feminino), que estarán compostos con ata 15 seleccionados cada un.
Lista de convocados das seleccións galegas
¿Queres saber máis da historia da nosa selección?
