Celtic Cup 2023 - Asociación Galega de Fútbol Gaélico

O sábado 25 de febreiro 2023 terá lugar en Lalín a primeira edición da Celtic Cup. Este torneo nace coa intención de seguir ampliando a proxección internacional do fútbol gaélico galego, ademáis de servir como torneo preparatorio para o gran evento do 2023 a nivel de seleccións: os World Games que se terán lugar en Irlanda en xullo.

Convocatorias

Estes serán os xogadores que defenderán as cores da selección galega neste torneo:

Os riváis

Kilmacud Crokes (Intermediate team)

A selección feminina enfrontarase a un equipo que xa é un clásico dos torneos de fútbol gaélico en Galicia. O club foi fundado en 1959 no sur de Dublín. Trátase do club con mais xogadoras/es de Irlanda, contando con 140 equipos e 5700 xogadoras/es e membros. Nesta ocasión visítanos o seu equipo feminino Intermediate, que viría a ser como o segundo equipo ou equipo B, do club. Dende logo trátase dun nivelazo que poderán gozar as e os seareiros a este deporte o vindeiro sábado.

Convocatoria:

Ann-Marie Cahill
Alexandra Roe
Emer Crowley
Simone Cotter
Alanah Jones
Sally Neavyn
Ava Clancy
Niamh Maria Walsh
Kate Ohogan
Kate Mary Byrne

Madrid Harps

A selección masculina xogará pola súa banda un triangular. O primeiro rival son uns vellos coñecidos: os Madrid Harps. Trátase do club máis laureado da rexión Ibérica. Foi fundado en 2003, e o seu equipo gañou 10 dos últimos 15 campionatos Ibéricos e son os actuais campións dos Pan-Euros, o que ven sendo algo así como a Champions League do fútbol gaélico. O equipo está composto por maioría de irlandeses aínda que tamén conta con algún xogador local, tamén dos USA e de Arxentina.

Convocatoria:

Barry Cullen
Billy Breathnach
Brian Farrell
Ciaran Fleming
Conor McBrearty
Fergus Earley
Jack Tully
Javier Vicente
Niall McDermott
Oisin King
Patrick OBrien
Sam Jones
Sean Cosgrave
Sean Egan
Stephen Slattery
Simon Harkins

C.L.G. Ghleann Fhinne

Segundo rival da selección masculina. O club fundado no centro do Condado de Donegal en 1975. Aínda que sexa un equipo do rural compite no máximo nivel do seu condado e enfrentarse a menudo con auténticas estrelas do fútbol Gaélico. Nesta zona e onde mellor se preservou o idioma gaélico e onde, actualmente, mais se fala, identificándose a esta zona de forma popular como un “Gaeltacht”. O equipo que nos visita ten varias peculiaridades, entre elas, a que moitos dos seus membros pertencen a unha mesma familia. Isto da unha idea da importancia dos clubs de fútbol gaélico e a función comunitaria que realizan.

Convocatoria:

Adam Marley
David Carr
Darren Marley
Jack Marley
Jason Marley
Kaine McGlynn
Niall Doherty
Niall McMenamin Campbell
Odhrán McGlynn
Ronan Carlin
Shaun Marley

O campo

Os partidos desputaranse nas renovadas instalacións do Estadio Municipal Manuel Anxo Cortizo (Av. dos Olmos, 2, 36515 Lalín, Pontevedra).

Situado na entrada centro da capital do Deza, é empregado habitualmente para a práctica de fútbol e rugby, neste campo tamén é habitual ver fútbol gaélico, xa que é o lugar de adestramento do equipo da cidade, os Herdeirxs de Dhais, onde tamén desputan os seus partidos como locais. Cunha base de céspede artificial, conta cun tamaño de 100m x 70m.