O Estrela Vermelha coroouse a pasada fin de semana campioa da Liga Galega de fútbol gaélico, culminando unha tempada de dominio absoluto. Cun pleno de vitorias e un xogo sólido en defensa e ataque, o equipo demostrou unha superioridade constante, converténdose nunha referencia durante toda a tempada. De feito, as estreleiras acadaron na dúas victorias en dous días consecutivos, primeiramente o venres 4 de abril na cidade das Burgas ás súas contendientes principáis, o Auriense, ás que superaron por 39-27, e posteriormente o sábado, xa como campioas matemáticas, ás Lavandeiras de San Simón por 28-5.
Lista completa de resultados que as levaron ao título:
- Grovias 19-36 Estrela Vermelha
- Estrela Vermelha 29-13 Fillas de Breogán
- Estrela Vermelha 39-36 Auriense
- Lavandeiras de San Simón 9-32 Estrela Vermelha
- Turonia 29-30 Estrela Vermelha
- Fillas de Breogán 20-24 Estrela Vermelha
- Estrela Vermelha 22-15 Grovias
- Estrela Vermelha 24-4 Turonia
- Auriense 27-39 Estrela Vermelha
- Estrela Vermelha 28-5 Lavandeiras de San Simón
O título masculino está que arde
A competición masculina viviu varios encontros destacados durante a primeira quincena de abril. Keltoi Estibadores iniciou o mes cunha sólida vitoria por 44-22 fronte a Auriense no complexo deportivo ETEA de Vigo o sábado 5 de abril. Ao día seguinte, no campo de O Forte en Boqueixón , Estrela Vermelha superou a Fillos de Breogán nun encontro igualado (32-24). Estrela Gaels, pola súa parte, sumou dous puntos tras a non presentación de Lume de Beltane. Unha semana máis tarde, Estrela Vermelha volveu impoñerse, desta vez fronte a Turonia no Campo das Gaiandas (Gondomar), cun resultado final de 36-24.
Con estes resultados, a liga entra nun pequeno parón. Tras unha semana de descanso pola Semana Santa, o día 26 todos os equipos galegos visitarán Ribeira para disputar a Copa Galega 2025, a segunda organizada polo equipo referencia do Barbanza, o Lorchos.
A liga reanudarase a fin de semana do 3 de maio, estando en ambas fases fináis todo por decidir. Actualmente a clasificación fica así:
Fase final Sénior
- Estrela Vermelha (4 ptos)
- Fillos de Breogán (3 ptos)
- Keltoi (3 ptos)
- Turonia (0 ptos)
Fase final Shield
- Keltoi Estibadores (6 ptos)
- Estrela Gaels (6 ptos)
- Lorchos FG (4 ptos)
- Auriense (2 ptos)
- Lume de Beltane (0 ptos)
