- A AGFG levou catro equipos a esta competición, dous masculinos e dous femininos.
- A final feminina foi entre as dúas Seleccións Galegas, mentres que a Selección Galega masculina caía derrotada final por un tanto diante do Armagh Harps.
- ‘Jano’ Sanmartín, responsable das Seleccións Galegas: “O bo estado de saúde do fútbol gaélico galego, a nivel de seleccións e de clubs estase a ver reflectido nestes dous últimos anos nos que se está competindo ante equipos europeos, alcanzando finais e gañándoas”.
Madrid foi escenario esta fin de semana dunha nova edición do Torneo de fútbol Gaélico que cada ano organiza o club Madrid Harps. A Asociación Galega de Fútbol Gaélico (AGFG) acudía con catro equipos que defendían as cores da Selección Galega. O gran momento desta disciplina en Galicia quedou patente ao protagonizar os dous equipos femininos a final da súa categoría e quedar o masculino segundo.
Alexandre Sanmartín ‘Jano’, responsable das Seleccións Galegas de fútbol gaélico e coordinador xeral das ‘Gaélico Escolas PuntoGal’ salientaba o “bo estado de saúde que presenta o gaélico galego non só a nivel de seleccións se non tamén a nivel de clubs. Isto estase a ver reflectido nestes dous últimos anos tanto nos torneos nos que están participando as Seleccións Galegas, competicións do circuíto europeo como pode ser este torneo de Madrid como o da Haia, como tamén nos torneos de clubs como puido ser este ano o Panaeuropeo de Lyon. Nestes torneos vemos como tanto as seleccións como os clubs non só están competindo contra equipos europeos se non que ademais están alcanzando as finais e gañándoas. Por iso, nestes dous últimos anos valoramos moi positivamente que tanto no masculino como no feminino chegamos sempre ás ultimas roldas e competimos con equipos junior irlandeses. Evidenciase que estamos ante o mellor momento competitivo do gaélico galego”.
A Asociación Galega de Fútbol Gaélico (AGFG) acudía a esta cita con dous equipos por categoría coa fin de ir preparando ás seguintes xeracións. Así viaxaron a Madrid unha Selección Galega máis competitiva que participou co nome ‘Galicia LGFA’ na categoría feminina e ‘Galicia GAA’ na masculina, e outra enfocada á rodaxe dos novos valores do fútbol gaélico galego co nome ‘Galicia LGFA’ 2 na categoría feminina e ‘Galicia GAA 2’ na masculina. Estes últimos constitúen unha aposta de futuro e son equipos de desenvolvemento.
Neste torneo participaron na competición feminina os equipos:
- Galicia LGFA
- Galicia LGFA 2
- Madrid LGFA
- Clan na Gael
Na categoría masculina participaron os seguintes equipos:
- Galicia GAA
- Galicia GAA 2
- Madrid Harps Black
- Madrid Harps Red
- Armagh Harps
- East Belfast
- Glenfin GAA
A Selección Galega Masculina caía derrotada por un punto na final diante do Armagh Harps por 0-4 vs 0-5.
Superioridade galega no feminino que copou a final cos dous equipos
As seleccións galegas femininas deixaron patente a súa superioridade no terreo de xogo ao chegar ambas as dúas á gran final do Torneo de Madrid. Deste xeito o fútbol gaélico feminino galego deixaba claro o seu peso no transcurso deste Torneo do Madrid Harps.
Ambas as dúas seleccións chegaba ao encontro definitivo co triunfo do conxunto Galicia LGFA. Para a AGFG o resultado é o de menos, o relevante e o nivel amosado polos dous equipos. Pódese dicir que ao fin e ao cabo quen gañou foi Galicia e as súas seleccións galegas femininas que chegaron da man ao partido decisivo dando conta gran momento competitivo do fútbol gaélico galego.
As Seleccións Galegas estiveron conformadas polos seguintes deportistas:
GALICIA GAA (masculina)
- Alexandre ‘Jano’ Sanmartín Costa (adestrador)
- Alexandre Louzao Carreira (Estrela Vermelha)
- Antonio Lago Pena (Keltoi)
- Borja González García (Keltoi)
- Bruno López Ferro (Fillos de Breogán)
- Daniel Bechler Fernández (Fillos de Breogán)
- Daniel Conde Prieto (Estrela Vermelha)
- Daniel Vaamonde Espasandín (Fillos de Breogán)
- David Chaves Rodríguez (Lorchos)
- David De La Torre Domínguez (Estrela Vermelha)
- David Dios Ferro (Keltoi)
- Gabor Pazos Oltai (Estrela Vermelha)
- Gabriel Martínez Argibay (Lume de Beltane)
- Iago Couso Pazo (Estrela Vermelha)
- Iker Nine Villanueva (Lume de Beltane)
- Ismael Méndez Martínez (Turonia GFG)
- Ismael Pereira Martínez (Keltoi)
- Marcos Chaves Rodríguez (Lorchos)
- Mateo Fernández López (Estrela Vermelha)
- Noé Asensio Fábregas (Turonia GFG)
- Samuel Lagoa (Estrela Vermelha)
- Sintayehu García Otero (Auriense)
- Tomás Lagoa (Estrela Vermelha)
GALICIA LGFA (feminina)
- Pablo da Silva rocha (adestrador)
- Alba Rodríguez Fernández (Auriense)
- Aldara Montero Pardavila (Fillas de Breogán)
- Alexandra Figueroa Vázquez (Turonia GFG)
- Antía Botana Vázquez (Auriense)
- Antía Iglesias Iglesias (Lavandeiras de San Simón)
- Antonella Larrascq Álvarez (Turonia GFG)
- Ánxela María Estévez Salguero (Estrela Vermelha)
- Cayetana Rey Dourado (Estrela Vermelha)
- Emma Rojas Amosa (Estrela Vermelha)
- Eva Lago Neira (Fillas de Breogán)
- Iria Labandeira (Auriense)
- Leticia Zapata Medina (Fillas de Breogán)
- María Arias Vázquez (Auriense)
- María Lourdes Rey Cascallar (Estrela Vermelha)
- María Victoria Benavides Rodríguez (Auriense)
- Olalla Alonso Gómez (Lavandeiras de San Simón)
- Sara López Pita (Fillas de Breogán)
- Sara Sánchez (Turonia GFG)
- Silvia Álvarez Álvarez (Turonia GFG)
- Uxía Otero Fernández (Estrela Vermelha)
